• .

  • .

  • .

  • .

  • .

Бесплатные шаблоны Joomla

Бүгін, 31 мамыр - Саяси қуғын-сүргін құрбандарын еске алу күні Жүсіпбек Аймауытов атындағы қазақ театрының ұжымы Жүсіпбек Аймауытов ескерткішіне гүл шоқтарын қойып, тағзым етті.

Ж.Аймауытов атындағы тетрда бүлдіршіндер назарына "Отпен ойнама" ертегісі ұсынылды, оны балабақша және мектеп шәкірттері тамашалады, театр фойесінде арнайы көрме ұйымдастырылды.


23 мамырда өткен Мәдениет қызметкерлері күні театрдың бір топ өкілі түрлі номинацияда жоғары марапаттарға ие болды. Атап айтсақ, Гүлжихан Хамитова - труппа жетекшісі облыс әкімінің мақтау грамотасымен,  әртіс Нұрсерік Кеңесбаев -жылдың ең үздік актері және Нұржан Сарқамбаев - әнші-актер номинациясында сыйлыққа ие болды. Өнер иелерін жоғары марапаттарымен құттықтаймыз!

 

 

 

12 мамыр, сенбі күні Ақық Таспаева мен Толқын Абдрахимова шығармашылық кеш өткізді. Кеште қазақтың халық әндері, опералардан ариялар, орыс романстары орындалды.

 

 

 

 

Спектакльге шақырамыз !!!

4 мамыр, жұмада, сағат 19.00 театрымызда Т.Нұрмағанбетовтың «Табалдырығыңа табын» драмасының жаңа премьерасы болады. Спектакльді қоюшы театрдың артисі, Қазақстанның мәдениет қайраткері Жұмахан Доспаев.

Қойылымда ата-аналар мен балалар арасындағы қарым-қатынастар тақырыбы терең қозғалады. Пьеса көрермендерді ата-аналарын, туған-туысқандарын сыйлауға, бағалауға шақырады.

Келіңіздер, көріңіздер, күтеміз!

Шығармашылық кеш өткізеді

1990 жылы Ақық Таспаева мен Толқын Абдрахимова Т.Жүргенов атындағы театр және өнер институтындағы оқуларын бітіріп, жолдамамен Павлодар қаласына келіп Ж.Аймауытов атындағы қазақ музыкалы драма театрының іргетасын қалағандардың алдыңғы қатарында болды. Содан бері 28 жылдай уақыт өтіпті.

Өнерлі қос құрбы осы жылдарда театр сахнасында қойылған талай спектакльдерде басты рольдерде ойнады, әсіресе, музыкалық қойылымдарда. Атап айтсақ, М.Әуезовтың «Айман-Шолпан», Ғ.Мұсіреповтың «Қыз Жібек», «Қозы Көрпеш – Баян сұлуында», И.Кальманның «Сильва», И.Штраустың «Жарғанатында»У.Гаджибековтың «Аршын мал алан», А.Цагарелидің «Ханума» және басқа да музыкалық комедия, операларда ойнады. Талант иелерінің адал еңбектері бағаланбай қалған жоқ: талай мәрте қала мен облыстық мәдениет басқармаларының марапаттарына ие болды, Қазақстанның мәдениет министрінің Құрмет грамотасымен наградталды, екеуі де «Қазақстан Мәдениетінің қайраткері» атанды, 2016 жылы Ақық Таспаева «Ерен еңбегі үшін» медалімен марапатталды.

12 мамыр, сенбі күні, сағат 17.00-де Ақық Таспаева мен Толқын Абдрахимова шығармашылық кеш өткізеді. Кеште қазақтың халық әндері, опералардан ариялар, орыс романстары орындалады.

Құрметті қала тұрғындары және қонақтар! Шығармашылық музыкалық кешке келіңіздер, көріңіздер, тамашалаңыздар!

Сахнада - махаббатнама

27-ші сәуір, жұма, сағат 19.00-де, театр сахнасында Иранғайыптың «Естайдың Қорланы» атты драмасы ойналады. Бұл қойылым ақын, композитор Естай Беркімбаевтың 150 жылдығына арналады.

Қойылымда ғұмыр бойы бір-біріне ғашық боп өткен Естай мен Қорланның махаббат сыры шертіледі. Қартайған шағында жалғыз ұлы мен әйелінен айырылған Естай қырық жыл өткен соң Қорланға келіп жолығады. Бір-бірін өле-өлгенше сүйгенімен, араларында Қорланның күйеуі бар. Екеуінің басындағы трагедиялық халді актерлер барынша нанымды бейнелейді.

Сахнада – Шыңғыс Айтматовтың «Ақ кеме» драмасы

Қазақ пен қырғыз бауырлас. Екі елдің арасындағы достық, рухани-мәдени байланыс артпаса кеміген емес. «Төскейде малымыз, төсекте басымыз қосылған», «Қазақ-қырғыз бірге туған...» - деп ата-бабамыз айтқандай, Ж.Аймауытов атындағы Павлодар облыстық қазақ музыкалы драма театрының репертуарында бауырлас қырғыз драматургтерінің шығармалары кең орын алған. Бұл екі елге ортақ төл өнердің тамаша насихатталуына, екі ел арасындағы ынтымақ байланысты нығайта түсуге мол мүмкіншілік тудырады. Осыған байланысты, премьерасы биылғы маусымда болып өткен Ш.Айтматовтың «Ақ кеме» психологиялық драмасын 18 сәуірде павлодарлық көрермен тағы бір мәрте тамашалады.

9 мамырда театр артистері Ш.Айтматовтың «Ана-Жер-Ана» классикалық туындысын жаңартып, көрермендерге ұсыну мақсатында қазіргі күндері дайындықтар жүргізуде. Сондай-ақ, өнер ордасының репертуарында қырғыздың белгілі драматургі М.Байджиевтің «Тіл табысқандар» және «Жекпе-жек» қойылымдары бар.

Жақында премьера


Бұрын хабарлағанымыз
дай, мамыр айында Т,Нұрмағанбетовтың "Табалдырығыңа табын" драмасының премьерасы болады. Сіздерге спектакльдің дайындығынан фоторепортаж ұсынып отырмыз.

  

   

 

 

 

 

Сахнада - 30 жыл

Ж.Аймауытов атындағы театрдың маңдайалды әртісі Жұмахан Доспаев биыл екі бірдей мерейтой иесі – туғанына 55 жыл және шығармашылықпен айналысқанына 30 жыл толды. Осыған байланысты тәжірибелі сахна шебері бір жылдары өзі бас кейіпкердің образын сомдаған Т.Нұрмағанбетовтың «Табалдырығыңа табын» драмасына режиссер болып қайта жаңғыртып, сахнаға шығармақ. Қазір қызу дайындықтар жүріп жатыр.

Қойылымда ата-аналар мен балалар арасындағы қарым-қатынастар тақырыбы терең қозғалады. Пьесаның басты кейіпкері Жөкен - Толасбайдың әкесі қаладағы балаларына қонаққа келеді. Бірақ оған ешкім қуанышты емес. Толасбай мен оның әйелі Файрузаның өмірдегі негізгі мақсаты – мансап қуу. Толасбаймен болған жағдай, кез-келген адамның басына түсуі мүмкін. Пьеса көрермендерді ата-аналарын, туған-туысқандарын сыйлауға, бағалауға шақырады.

Спектакльдің премьерасы келесі, яғни, мамыр айының басында өтеді деп жоспарлануда, анық болар күні жайында қосымша хабарланады.